Vegna stóraukinna umsvifa erlendis leitar Meniga eftir öflugum liðsmönnum til að styrkja hugbúnaðarþróun fyrirtækisins.

Við viljum ráða sérfræðinga með fjölbreyttan bakgrunn, reynslu og þekkingu til að taka þátt í að hanna og þróa með okkur vef- og farsímalausnir á heimsmælikvarða. Lausnir okkar byggja að miklu leyti á úrvinnslu og greiningu gagna og eru hannaðar til að skalast vel og höndla mikið gagnamagn. Þær eru þróaðar þannig að auðvelt sé að aðlaga þær að tækniumhverfi ólíkra banka. Markmið okkar er að hjálpa bönkum að auka ánægju viðskiptavina sinna með notendavænum og „snjöllum“ hugbúnaði.

Meðal verkefna er forritun nýjunga, forritun farsíma- og spjaldtölvulausna, hönnun gagnagrunna og vöruhúsa, útfærsla á gervigreind og aðlögun að netbönkum erlendra banka.

Við leitum meðal annars að

• hugbúnaðarsérfræðingum 
• viðmóstssérfræðingum
• prófana- og gæðastjóra og 
• kerfisstjóra. 

Áhugasamir sendi umsókn á netfangið atvinna@meniga.is. Nánari upplýsingar um störfin má finna á vef Meniga.

Við lofum:

• Spennandi og krefjandi hugbúnaðarverkefnum
• Tækifæri til að læra, vaxa og þroskast í starfi
• Fjölskylduvænu og góðu vinnuumhverfi
• Skemmtilegum vinnustað
• Góðum launum og kaupréttum

Permalink | Leave a comment  »

Meniga hlaut verðlaun fyrir bestu bankalausn ársins þegar „Banking IT-Innovation 2011“ verðlaunin voru afhent í fyrsta skipti á Business Engineering Forum í Austurríki síðastliðinn fimmtudag. Verðlaunin voru veitt fyrir þá tæknilausn sem þótti skara fram úr og skila viðskiptavinum banka- og fjármálafyrirtækja mestum ávinningi. Dr. Hansjörg Leichsenring frá Meniga og Bruno Richle, framkvæmdastjóri Crealogix sem er samstarfsfyrirtæki Meniga í Sviss, veittu verðlaununum viðtöku.

„Við erum afar stolt af þessari miklu viðurkenningu. Þetta hefur verið frábært ár fyrir okkur en fyrr á árinu hlaut Meniga verðlaun fyrir bestu tæknilausnina á hinni virtu Finovate ráðstefnu,“ sagði Dr. Hansjörg Leichsenring, umboðsmaður Meniga í Þýskalandi, Austurríki og Sviss, þegar hann tók við verðlaununum.

Meniga hefur vakið mikla athygli í Evrópu og víðar fyrir framsækna og notendavæna heimilisfjármálalausn. Meniga lausnina er auðvelt að aðlaga að netbönkum ólíkra banka og veita viðskiptavinum þeirra þannig aðgang að margvíslegri virkni sem er sérhönnuð til að virkja þá betur við stjórn heimilisfjármálanna og gera fjármálin skemmtilegri og áhugaverðari.

Helstu sérfræðingar á sviði netbankaviðskipta eru sammála um að innleiðing heimilisfjármálalausna á borð við Meniga verði mikilvægur þáttur í stefnumörkun viðskiptabanka á næstu árum og geti skilað þeim umtalsverðum tekjum.

Um verðlaunin:

„Banking IT-Innovation “ verðlaunin eru samstarfsverkefni háskólanna í St. Gallen, Leipzig og Zürich og var dómnefnd skipuð sex óháðum fulltrúum frá fimm rannsóknarstofnunum. Við mat dómnefndar á verðlaunalausn Meniga var tekið tillit til nýnæmis, ávinnings viðskiptavina og þýðingu fyrir hinn þýskumælandi bankamarkað.

Permalink | Leave a comment  »

Nú er hægt að sjá hvernig árið í heild sinni leit út en þar tökum við saman tekjur og útgjöld yfir árið og birtum í einu heilstæðu yfirliti. Til að skoða ársskýrsluna ferð þú í skýrslur og velur ársskýrslu.

Permalink | Leave a comment  »

Mánaðarlega munum við bjóða þér að taka þátt í nýjum spurningaleik eða fjármálaprófi þar sem þú svarar 5 léttum spurningum um fjármál þín. Fyrstu spurningaleikirnir snúast um bifreiðaútgjöld og útgjöld vegna skemmtana

Permalink | Leave a comment  »

Samanburðurinn í Meniga hefur fengið gagngera yfirhalningu og hlotið nafnið Innsýn. Með þessum breytingum vonumst við til að þú getir öðlast enn betri innsýn í hvernig útgjöldum þínum er háttað í samanburði við samfélagið. 

Sérstaklega viljum við nefna innsýn í matarinnkaup þar sem þú getur greint hvar þú verslar oftast miðað við aðra og hvernig þú gætir mögulega hagað innkaupunum til að nýta peningana enn betur.

Permalink | Leave a comment  »

Meniga er tilnefnt til Nexpo verðlaunanna í þremur flokkum:

• Farsímaforrit ársins
• Forrit ársins
• Nýliði ársins

Dómnefnd skipuð fagfólki í vefmálum hefur nú valið þá aðila sem komast í úrslit í þeim 9 flokkum sem keppt er um. Einnig verða sérstök heiðursverðlaun veitt fyrir frábært framlag til vefmála á Íslandi.

Nexpo vefverðlaunin eru ný verðlaun sem verða veitt í fyrsta skipti á sýningunni Netið Expo 2011 sem fram fer í Vetrargarðinum 11.-13. mars.

Hér má finna allar tilnefningarnar og kjósa.

Permalink | Leave a comment  »

Í umsögn dómnefndar um Meniga.is segir meða annars: „Besti vefurinn að mati dómnefndar er ekki bara til fyrirmyndar þegar kemur að framsetningu og notendavænni miðlun upplýsinga, heldur líka þegar kemur að hugviti og annari fræðslu sem vefnum tengist. Fyrirtækið hefur fylgst vel með þróun vefja í sínum bransa og hefur nýtt sér góð fordæmi í uppbyggingu síðunnar. Það er mikið í húfi þar sem vefurinn er mikilvægt sölutól.“

Íslensku vefverðlaunin eru uppskeruhátíð vefiðnaðarins, haldin með það að markmiði að efla hann, verðlauna bestu vefina og hvetja þá sem starfa á þessum vettvangi til dáða.

Sjá nánar: http://svef.is/frett/item3794/Úrslit_í_Íslensku_Vefverðlaununum/

Permalink | Leave a comment  »

Permalink | Leave a comment  »

Vefir Meniga hafa verið valdir í úrslit til Íslensku vefverðlaunanna 2010 í þremur flokkum en verðlaunin verða afhent við hátíðlega athöfn í Tjarnarbíói 4. febrúar næstkomandi.
 
Sölu- og markaðsvefur Meniga, www.meniga.com, er tilnefndur til Íslensku vefverðlaunanna í flokknum "Besti sölu- og kynningarvefur fyrirtækis með færri en 50 starfsmenn." Heimilisfjármálavefur Meniga, www.meniga.is, er tilnefndur í flokknum "Besti þjónustu- og upplýsingavefurinn." Og loks er farsímaútgáfa heimilisfjármálavefsins Meniga, m.meniga.is, tilnefndur í flokknum "Besti hand-smátækja vefurinn."
 
Meniga er afar stolt af að komast í úrslit til þessara eftirsóttu verðlauna en úrlslitavefirnir þrír voru alfarið þróaðir af starfsfólki Meniga. Hönnun sölu- og markaðsvefs Meniga og heimilisfjármálavefs Meniga var unnin í samstarfi við Skapalón.

Dómnefnd Íslensku vefverðlaunanna er skipuð fagfólki í vefmálum.

Sjá nánar á vef Samtaka vefiðnaðarins.

Permalink | Leave a comment  »

Strákunum okkar í handboltalandsliðinu hefur fram til þessa gengið allt í haginn á heimsmeistaramótinu í Svíþjóð.

Á sama tíma hafa eldsneytissjálfsafgreiðslustöðvarnar (þetta er ansi langt orð!) verið duglegar að tengja eldsneytisverð sitt við þann markatölumun sem landsliðið okkar vinnur leiki sína með. Þannig hefur hvert mark sem landsliðið skorar umfram andstæðingana skilað sér í krónu afslætti á lítrann.

Já, ef bíleigendur hafa einhvern tímann haft ástæðu til að styðja landsliðið, rífa sig upp úr sófanum og fagna í hvert sinn sem klístraða tuðran þenur netmöskva andstæðinganna er það vitanlega núna!

En hvað hefur þetta með Meniga að gera gætu sumir spurt?

Jú mikið því Meniga samfélagið endurspeglar neysluvenjur 6% heimila í landinu og því þótti okkur athyglisvert að skoða hvernig neyslumynstrið hefur verið á eldsneytismarkaðnum í þessari gósentíð.

Það gerðum við með því að skoða hlutfall milli viðskipta á sjálfsafgreiðslustöðvunum þremur (Atlantsolíu, Orkunni og ÓB) annars vegar og afgreiðslustöðvum sem bjóða upp á fulla þjónustu hins vegar. Við tókum þannig saman allar færslur (ópersónugreinanlegar að sjálfsögðu og í fullu samræmi við öryggis- og persónuverndarstefnu Meniga) sem flokkaðar hafa verið sem eldsneyti þriðjudaginn 18. janúar s.l. á verðbilinu 4.000 - 16.000 kr. Verðbilið völdum við til að önnur innkaup en eldsneyti á afgreiðslustöðvum með fulla þjónustu lituðu síður niðurstöðurnar.

Niðurstöðurnar koma í sjálfu sér ekki á óvart en bera neytendum fagurt merki því hlutdeild  sjálfsafgreiðslustöðvanna í kaupum á eldsneyti jókst um 17 prósentustig þriðjudaginn 18. janúar þegar 14 kr. afsláttur var veittur á lítrann. Samkvæmt okkar tölum eru sjálfsafgreiðslustöðvarnar með 61% markaðshlutdeild á þriðjudögum í eldsneyti að jafnaði en þennan dag er hlutdeildin 78% sem er umtalsverð aukning. Þetta fundu sjálfsagt margir á eigin skinni þegar beðið var eftir því að komast að á stöðvunum sjálfum. Það má glöggva sig enn betur á þessari breytingu á meðfylgjandi mynd.

Við getum því sagt að neytendur séu almennt reiðubúnir að stökkva til þegar góður afsláttur af eldsneyti er annars vegar. Áfram neytendur!

Aðeins að blessaðri verðtryggingunni.

Fram hefur komið í fjölmiðlum að verðlækkun um 14 krónur þriðjudaginn 18. janúar skilaði sér í 9% verðlækkun með fullum afslætti af listaverði.

Segjum sem svo að að verðlagseftirlitsmenn Hagstofunnar hafi verið á ferðinni þann dag til að mæla verð. Ef við gefum okkur síðan að mælingin hafi í raun sýnt 9% verðlækkun frá miðjum desember s.l. myndi það þýða 0,5% lækkun á vísitölunni (til verðtryggingar) í janúar, að öllu öðru óbreyttu, því eldsneyti er 5,68% af vísitölunni.

Ef þetta gengi eftir myndi til dæmis höfuðstóll 20 millljón króna verðtryggðs húsnæðisláns lækka um 100 þúsund krónur sem væru jákvæði tíðindi í skammdeginu. Þessi lækkun myndi að öllu jöfnu ganga til baka í næsta mánuði en þetta myndi þó þýða lægri vaxtagreiðslur þennan mánuðinn (416 kr. ef um 5% ársvexti er að ræða og mánaðarlegar greiðslur af höfuðstól).

Strákarnar okkar eru því ekki einungis að rétta bak hnýpinnar þjóðar og blása lífi í veiklað þjóðarstolt heldur geta þeir hugsanlega haft bein áhrif á fjárhagslega stöðu þjóðarinnar.

Er því einhver furða að Gummi landsliðsþjálfari sé alltaf að tönglast á markatölunni?

Áfram Ísland, Helgi Ben-sín

Permalink | Leave a comment  »

Glöggir notendur hafa kannski tekið eftir því að nú er búið að breyta og bæta færsluleitina í Meniga.

Þar getum við leitað eftir heilum orðum eða jafnvel hluta úr orðum. Textabrotið "trygg" myndi tildæmis skila öllum færslum frá Tryggingastofnun, Sjúkratryggingum Íslands, Vátryggingum og svo framvegis en einnig öllum millifærslum til Tryggva og svo má lengi telja.

Ef við hökum við "Aðeins merktar  " þá fáum við upp allar færslur sem hafa verið flaggaðar en flaggaðar færslur eru þær færslur sem við eða kerfið höfum ákveðið að við þurfum að kíkja nánar á. Þegar hakað er við "Aðeins merktar  " þá er hægt að leita innan þeirra með frjálsu textaleitinni.

Ef við smellum á "Ítarleg leit" fáum við upp þessa valmynd 

Hér getum við þrengt þær leitarniðurstöður sem við erum með niður á ákveðið tímabil eða ákveðna upphæð eða bæði eftir því sem við á.

Ennfremur getum við þrengt leitina niður á ákveðna flokka með því að nota flokkalistann sem við finnum vinstra megin við færslulistann og lítur svona út

Þegar við hökum við tiltekinn flokk eða undirflokk þá birtast bara færslur úr þeim flokkum í færslulistanum.

Leit í flokkum er nú einfaldari og þægilegri í notkun en hún var áður og við vonum að hún komi notendum okkar að góðum notum.

 

Permalink | Leave a comment  »

Hafið þið prófað að skoða nýju "tilkynninga" möguleikana í Meniga? 

Permalink | Leave a comment  »

FRÉTTABRÉF MENIGA FIMMTUDAGUR 13. JANÚAR 2011

Undanfarið höfum við unnið hörðum höndum að ýmsum endurbótum sem einfalda og flýta fyrir notkun á Meniga. Einnig hafa ýmsar frábærar nýjungar, eins og sjá má að neðan, litið dagsins ljós. 

Við tökum öllum ábendingum fagnandi og hvetjum ykkur að láta í ykkur heyra.

Meniga í farsímann

Nú getur þú fylgst með stöðu mála, skráð nýjar peningafærslur og fengið útgjaldayfirlit á ferðinni.

Notendur með iPhone eða Android geta sótt Meniga forritið (app) og sett upp á símanum sínum. Von er á forriti fyrir aðra snjallsíma eins og Nokia og Blackberry á næstu dögum. Einnig er hægt að nálgast farsímaútgáfu af Meniga.is á slóðinni m.meniga.is.

Til að sækja Meniga app-ið er einfaldast að opna vafrann í símanum sínum og fara inn á slóðina m.meniga.is. Síðan skynjar hvaða útgáfu af síma þú ert með og bíður þér að hlaða niður app fyrir símann þinn. Einnig getur þú farið á Apple App-Store og leitað að Meniga eða farið á Android Market á símanum þínum og gert það sama. 

Einfaldara bókhald

Bókhaldið hefur verið einfaldað að því leyti að núna birtum við ekki tóma flokka sem hvorki innihalda færslur né áætlun. Þú getur hinsvegar valið að birta alla flokka ef þú vilt stilla áætlun í flokkum sem eru faldir. 
Horfa á myndskeið

Aðgangur fyrir maka

Fyrir pör með sameiginlegan fjárhag í Meniga getur einnig verið hentugt að vera með aðskilinn aðgang. Gögnin ykkar eru sameiginleg en notendur geta verið með mismunandi stillingar í “Augun á útgjöldunum” og tilkynningum. 
Horfa á myndskeið

Reglur

Reglur sem framkvæma sjálfvirkar aðgerðir er viðbót sem margir hafa beðið um. Regla getur t.d. fært launagreiðslu fram yfir mánaðarmót og flokkað lægri upphæðir á bensínstöðvum sem sjoppu eða skyndibita.                         
Horfa á myndskeið

Faldir flokkar birtast

Flokkar sem Meniga faldi í byrjun birtast nú sjálfkrafa þegar við á en þeir hafa farið framhjá sumum notendum. Þú getur hinsvegar áfram falið þá flokka sem þú vilt ekki hafa sýnilega í kerfinu.

Permalink | Leave a comment  »

Permalink | Leave a comment  »

Við hjá Meniga erum að leita að núverandi viðskiptavinum Íslandsbanka sem hefðu áhuga á því að prófa Meniga í notendaprófunum okkar. Það sem okkur vantar er fólk sem er til í að mæta hingað í Meniga og tengja Heimabankann sinn við Meniga og leyfa okkur að fylgjast með hvernig því gengur. Við notum síðan upplýsingarnar sem við fáum til að bæta kerfið. Þeir sem prófa kerfið eru leystir út með mat fyrir 2 á Hamborgarafabrikkunni.

Prófanirnar fara fram fimmtudaginn 11/11.

Áhugasamir sendi tölvupóst á meniga@meniga.is

Permalink | Leave a comment  »

Permalink | Leave a comment  »

Permalink | Leave a comment  »

Permalink | Leave a comment  »